மின்புலம் பற்றிய கட்டுரை
மின்னூட்டம் என்ற தலைப்பில், ஒத்த மின்னூட்டங்கள் ஒன்றை ஒன்று விலக்கும் என்றும், மாறுபட்ட மின்னூட்டங்கள் ஒன்றை ஒன்று ஈர்க்கும் என்றும் அறியப்பட்டது. ஒரு நேர்மின்னூட்டம் பெற்ற பொருளை ஒரு எதிர்மின்னூட்டம் பெற்ற பொருளுக்கு அருகில் கொண்டு வந்தால், அவ்விரு பொருட்களும் ஒன்றை ஒன்று ஈர்த்து, ஒன்றை நோக்கி மற்றொன்று நகரும். இதற்கு நேர்மாறாக, ஒரு நேர்மின்னூட்டம் பெற்ற பொருளை மற்றொரு நேர்மின்னூட்டம் பெற்ற பொருளுக்கு அருகில் கொண்டு வந்தால், அவ்விரு பொருட்களும் ஒன்றை ஒன்று விலக்கி, ஒன்றை விட்டு மற்றொன்று விலகிச் செல்லும். கூலும் விதியைப் பற்றிப் படித்தது போல, மின்னூட்டம் பெற்ற பொருட்களுக்கு இடையில் ஒரு மின்விசை செயல்படுவதால், மின்னூட்டம் பெற்ற பொருட்கள் மற்ற மின்னூட்டம் பெற்ற பொருட்களை முடுக்க முடியும். ஒரு மின்னூட்டம் பெற்ற பொருள் மற்ற மின்னூட்டம் பெற்ற பொருட்களின் மீது செலுத்தும் மின்விசை, தொடுதல் இன்றி செயல்படக்கூடிய ஒரு விசைக்கு உதாரணமாகும். தொலைவில் செயல்படக்கூடிய விசைக்கு மற்றொரு உதாரணம் புவியீர்ப்பு விசை ஆகும் . புவியீர்ப்பு விசையானது ஒரு நிறைப்பொருளால் மற்ற நிறைப்பொருட்களின் மீது செலுத்தப்படுகிறது.
